ევროპულ ფასეულობათა ინსტიტუტის თანადამფუძნებელი მამუკა ჟღენტი ადამიანის უფლებათა ევროპულ სასამართლოში მოსამართლის კანდიდატების წარდგენის საკითხთან დაკავშირებით პრემიერ მინისტრს ღია წერილთ მიმართავს.
მამუკა ჟღენტის ღია წერილს "ჯი-ეიჩ-ენი" უცვლელად გთავაზობთ:
საქართველოს პრემიერ მინისტრს ბატონ გიორგი კვირიკაშვილს
ბატონო გიორგი,
მოგმართავთ ღია წერილით, ადამიანის უფლებათა ევროპულ სასამართლოში მოსამართლის კანდიდატების წარდგენის საკითხთან დაკავშირებით.
ევროპული სასამართლოს მოსამართლე, მიუხედავად იმისა, რომ არის დამოუკიდებელი და არ იღებს დავალებებს წარმდგენი სახელმწიფოს მხრიდან, მაინც წარმოადგენს მისი სახელმწიფოს სახეს და სასამართლოში მოსამართლის ავტორიტეტი უაღრესად მნიშვნელოვანია ამა თუ იმ სახელმწიფოს საერთაშორისო იმიჯისათვის. სამწუხაროდ, მას შემდეგ რაც საქართველომ მოახდინა ადამიანის უფლებათა ევროპული კონვენციის რატიფიცირება, ქვეყნის შიგნით მოსამართლეობის კანდიდატთა შერჩევის დღემდე გამხორცეიელებული არცერთი პროცედურა გამჭვირვალედ და სამართლიანად არ ჩატარებულა. სხვადასხვა დროს, ადგილი ჰქონდა სხვადასხვა სახის ნაკლოვანებებს. მიმდინარე წლის თებერვლის თვეში განხორციელებული შერჩევის პროცესი კი გამოირჩეოდა, დღემდე არნახული პოლიტიზირებითა და მიუღებელი მანიპულაციებით. მოსამართლეობის კანდიდატთა კვალიფიკაციისა და ეროვნულ დონეზე შერჩევის პროცესის სამართლიანობის საკითხით უკანასკნელ პერიოდში დაინტერესება გაიზარდა ევროპის საბჭოშიც. სწორედ აღნიშნული ნაკლოვანებების მაქსიმალური აღმოფხვრის მიზნით, თუმცა სახელმწიფოებისათვის არჩევნის გაკეთების სუვერენული უფლების შენარჩუნებით, ევროპის საბჭოს მინისტრთა კომიტეტმა და საპარლამენტო ასამბლეამ უკანასკნელ წლებში შემოიღეს დამატებითი ფილტრები ევროპული სასამართლოს მოსამართლეების არჩევის პროცედურაში.
ბატონო გიორგი,
უკანასკნელ პერიოდში სხვადასხვა არასამთავრობო ორგანიზაციისა და საქმეში კარგად ჩახედული პირის მიერ, მათ შორის შესარჩევი კომისიის წევრების მხრიდან, ღიად დაფიქსირდა შეშფოთება შერჩევის პროცესის გამჭვირვალეობასა და სამართლიანობასთან დაკავშირებით. თვით კომისიის ხელძღვანელის მიერ ღია ეთერში გაკეთდა განცხადებები და შეფასებები, რაც ცალსახად ადასტურებს შესარჩევი პროცესის პოლიტიზირებას. ყოველივე ზემოხსენებულისა და აღნიშნული საკითხით საზოგადოების დაინტერესების მაღალი ხარისხის გათვალისწინებით, განმეორებით მოგმართავთ თხოვნით, კომისიის მიერ შერჩეული კანდიდატების მთავრობის სხდომაზე განხილვამდე გაასაჯაროოთ კომისიის მიერ მოსმენილი და შეფასებული თითოეული კანდიდატის შეფასებების დეტალები. ასევე დაბეჯითებით გთხოვთ, მთავრობის წევრებს მიეცეთ საშუალება გაეცნონ გასაუბრებაზე გასული თითოეული კანდიდატის შეფასებას, რადგან თვით შეფასებებათა ლოგიკური ანალიზი ცხადყოფს, რომ სახეზე გვაქვს აშკარა მანიპულირება ე.წ. არასასურველი კანდიდატების გამოხშირვის უზრუნველსაყოფად. ზემოხსენებული პროცესი მიმდინარეობდა თქვენი მთავრობის ერთ-ერთი წევრის ხელმძთვანელობით. თუმცა, თქვენი უკანასკნელი განცხადებები გვიჩენს იმის იმედს, რომ მიუხედავათ გუნდური საქმიანობის პრინციპისა, ქვენთვის სამართლიანობა უფრო მაღალ ფასეულობას უნდა წარმოადგენდეს. შესაბამისად, უპრიანია ეცნობოს ევროპის საბჭოს, კანდიდატთა სიის წარგდენის გადავადების თაობაზე და აღნიშნული პროცესის სამართლიანად და გამჭვირვალედ ხელახლად ჩატარების უზრუნველყოფა.
პატივისცემით,
მამუკა ჟღენტი
საქართველოს ევროპულ ფასეულობათა ინსტიტუტის თანადამფუძნებელი
2016 წლის 10 მაისი
