საქართველოს პრეზიდენტის თქმით, თბილისი ისეთი ცუდი საცხოვრებელი გახდა, რომ დუშეთში გადავიდა. პირველ სკოლაში გამართულ საჯარო ლექციაზე გიორგი მარგველაშვილმა განაცხადა, რომ არ მოსწონს თბილისის არქიტექტურა და ურბანული განლაგება.
„ჩვენი წინაპრები თავს აკლავდნენ, რომ თბილისი ისეთი აგვეშენებინა როგორიც გვაქვს. ახლა მახინჯ შენობებს ვაშენებთ. არ მომწონს არა მარტო არქიტექტურა, არამედ ურბანული განლაგება, არ მომწონს მანქანების განლაგება ქუჩაში, ხმაურის რაოდენობა ქუჩაში. ჩემს ბავშვობაში იყო ბევრად მეტი მწვანე შუქი. დღეს ხეები მოჭრეს, ააშენეს უზარმზარი შენობები. მე მზეს ვხედავ ახლა მხოლოდ იმ შენობის ანარეკლიდან, რომელიც ააშენეს. ისე არ მომწონს, რომ სადაც გავიზარდე, იქიდან წავედი და გადავედი დუშეთში. უაღრესად ცუდი საცხოვრებელი და სამოძრაო გახდა თბილისი“,-აღნიშნა პრეზიდენტმა.