სოფელ ატენში გუშინ დადგმული სტალინის ბიუსტი მოსახლეობას შეღებილი დახვდა. უცნობმა პირებმა მას ვარდისფერი საღებავი სავარაუდოდ, გვიან ღამით შეასხეს. გორის რაიონის სოფელ ატენში გამგეობის კეთილმოწყობის სამსახურის თანამშრომლებმა ამის შემდეგ, სტალინის ბიუსტის დემონტაჟი განახორციელეს.
ბიუსტი ადგილობრივმა მოსახლეობამ გუშინ, 9 მაისს, ფაშიზმზე გამარჯვების 71 წლისთავთან დაკავშირებით დადგა.
