ფაშიზმზე გამარჯვების 71-ე წლისთავის აღსანიშნავად, დღეს საქართველოს დედაქალაქსა და ყველა რეგიონში სხვადასხვა სახის ღონისძიებები გაიმართება.
როგორც მთავრობის ადმინისტრაციის პრესსამსახურში აცხადებენ, პრემიერ-მინისტრი გიორგი კვირიკაშვილი, მთავრობის წევრებთან ერთად, ვაკის პარკში გვირგვინით შეამკობს უცნობი ჯარისკაცის საფლავს და ვეტერანებთან ერთად დაათვალიერებს მეორე მსოფლიო ომის ამსახველ ფოტოგამოფენას.
პრემიერ–მინისტრი მეორე მსოფლიო ომის ვეტერანებს სადღესასწაულო სადილზე უმასპინძლებს.
საქართველოს მთავრობის გადაწყვეტილებით, მეორე მსოფლიო ომის ვეტერანებს გადაეცემათ 600-ლარიანი დახმარება, ხოლო მარჩენალდაკარგული ოჯახები 300 ლარიან დახმარებას მიიღებენ.