საქართველოს მეტალურგიული, სამთო და ქიმიური მრეწველობის მუშაკთა პროფესიული კავშირის და მისი წევრი ორგანიზაციის - იმერეთის მეტალურგიული და სამთო მრეწველობის მუშაკთა პროფესიული კავშირის ორგანიზებით, 9 მაისს, ქალაქ ზესტაფონში, 08:00 საათზე,ზესტაფონის ფეროშენადნობთა ქარხნის თანამშრომლები იწყებენ სრულმასშტაბიან უვადო გაფიცვას. პროფკავშირები საგაფიცვო მოთხოვნების ჩამონათვალს აქვეყნებს. კერძოდ:
- შეწყდეს იმერეთის მეტალურგიული და სამთო მრეწველობის მუშაკთა პროფესიული კავშირის წევრების დევნა, იძულება, მუქარა და შანტაჟი.
- არ მოხდეს ზესტაფონის ფეროშენადნობთა ქარხნის იძულებით ან ეგრედწოდებულ სპეციალურ რეჟიმში გადაყვანა, შეწყდეს დასაქმებულთა ინდივიდუალურ კონტრაქტებში იძულებით მოცდენასთან დაკავშირებული ცვლილებების შეტანა, კოლექტიური ხელშეკრულება გაფორმდეს იძულებითი მოცდენის შესახებ დათქმებისა და ტარიფის დადგენის გარეშე.
- დასაქმებულის კუთვნილი ანაზღაურებადი შვებულების ხანგრძლოვობა განისაზღვროს 30 სამუშაო დღეს დამატებული მძიმე, მავნე და საშიშპირობებიან სამუშაო ადგილზე დასაქმებულებისთვის 10 კალენდარული დღის ოდენობით.
- ყოველწლიურად განხორციელდეს ხელფასებისავტომატურიინდექსაცია საქართველოს სტატისტიკის დეპარტამენტის მიერ გამოქვეყნებული ოფიციალური მაჩვენებლების მიხედვით.
- ზეგანაკვეთურად და უქმე დღეებში ნამუშევარი საათების გაზრდილი ტარიფით ანაზღაურება (კოეფიციენტი 1,5);
- კოლექტიური ხელშეკრულების გაფორმება;
- გოჩა კვანტრიშვილის ახალ სამუშაო ადგილზე ძველი ხელშეკრულებით გათვალისწინებული პირობებით დასაქმება (შუალედური შეთანხმებით ნაკისრი ვალდებულების შესაბამისად).
- გაუქმდეს ზესტაფონის ფეროშენადნობთა ქარხნის დირექტორის 18.04.2016 წლის N286 ფ ბრძანება, იმერეთის მეტალურგიული და სამთო მრეწველობის მუშაკთა პროფესიული კავშირის თავმჯდომარის კახა მაჩიტიძის დისციპლინარული წესით დასჯასთან დაკავშირებით.
,,გაფიცვის პარალელურად მიმდინარე სხვადასხვა ხასიათის საპროტესტო აქციებში მონაწილეობას მიიღებენ საქართველოს მეტალურგიული, სამთო და ქიმიური მრეწველობის მუშაკთა პროფესიული კავშირის, ტყიბულის შახტების, ჭიათურის მაღაროების, სს ,,მინა“-ს, შპს ,,რუსთავის აზოტი“-ს, შპს ,,რუსთავის ფოლადი“-ს პირველადი პროფკავშირული ორგანიზაციების წარმომადგენლები
გაფიცვა დაიწყება ზესტაფონის ფეროშენადნობთა ქარხნის მიმდებარე ტერიტორიაზე, სტაროსელსკის ქუჩაზე მდებარე ქარხნის მთავარ შესასვლელთან“, - აცხადებენ პროფკავშირებში.
