სასულიერო პირების ნაწილი ოჯახში ძალადობის აღკვეთის შესახებ კანონში შესატან ცვლილებებს აპროტესტებს. იუსტიციის სამინისტროს მიერ მომზადებული პროექტი იურიდიული კომიტეტის სხდომაზე უნდა განეხილათ, თუმცა სხდომის დაწყებამდე სასულიერო პირები იუსტიციის მინისტრის მოადგილეს გაესაუბრნენ.
სასულიერო პირების განცხადებით, თუ მშობელი შეზღუდავს შვილის უფლებას სწავლის ან ეკონომიური მოთხოვნილების დაკმაყოფილების კუთხით, სოციალურ მუშაკს ეძლევა უფლება, დაიწყოს შვილის ჩამორთმევის პროცედურა. მათივე აზრით, კანონპროექტი ინტერპრეტირების საშუალებასაც იძლევა.
სანდრო ბარამიძის განმარტებით კი, ცვლილებებში საუბარია ბავშვთა კონსტიტუციური უფლების დაცვაზე. კერძოდ, თუ ბავშვის უფლება ირღვევა, იმის მიუხედავად, რომ მშობელს ამის გაკეთების საშუალება აქვს, სოციალური მუშაკი აფრთხილებს მშობელს, რომ ბავშვის უფლება ირღვევა.
ალექსანდრე ბარამიძემ სასულიერო პირებს საკუთარი წინადადებების წარდგენა და საკითხის განხილვის მომავალი კვირისთვის გადადება შესთავაზა.