„კონსერვატიული პარტიის“ ლიდერი ზვიად ძიძიგური ადასტურებს, რომ 90-იან წლებში უზენაესი სასამართლოს მოსამართლეობის კანდიდატი თამარ ლალიაშვილი მისი ბრალმდებელი იყო.
,,ჩემი მბრალმდებელი იყო ქალბატონი ლალიაშვილი. ეს იყო 1995 წელს, 20 წლის წინ. არავითარი ბოღმა არ მაქვს გულში ამის გამო, ეს შემიძლია პირდაპირ გითხრათ. ხოლო მის კანდიდატურას მხარს დაუჭერს თუ არა უმრავლესობა, მას შემდეგ გახდება თქვენთვის ცნობილი, რაც ამ საკითხზე კონსულტაციები გაიმართება",- განაცხადა ზვიად ძიძიგურმა.
რაც შეეხება თამარ ლალიაშვილს, იგი უარყოფს ინფორმაციას, რომ 90-იან წლებში ზვიად ძიძიგურის სიკვდილით დასჯას ითხოვდა. მისივე თქმით, ამის დამადასტურებელი საბუთები არსებობს - სასამართლო სხდომის ოქმი და სატელევიზიო ჩანაწერებიც.