საგაზაფხულო გამწვანების ღონისძიებების ფარგლებში, ჩუღურეთის რაიონში გამწვანების აქცია გაიმართა.
მერიის ინფორმაციით, გამწვანების აქციაში მონაწილეობა ჩუღურეთის რაიონის გამგებელმა ზურაბ ჩიკვილაძემ, გამგეობის თანამშრომლებმა და მოსახლეობამ მიიღო.
„ გასამწვანებლად ადგილები მოსახლეობასთან ერთად შეირჩა. კუმისის ქუჩაზე , ამ ადგილას ადრე ნაგავსაყრელი იყო, მოვაწყვეთ ახალი სკვერი , რომელიც დღეს წიწვოვანი ნერგებით გავამწვანეთ. აქციის ფარგლებში ნერგები სხვადასხვა ქუჩაზე დაირგვება .“
გამწვანების აქციის ფარგლებში, ჩუღურეთის რაიონში 200 წიწვოვანი ნერგი დაირგო.