საქსტატის ინფორმაციით, საყოველთაო აღწერის 2014 წლის მონაცემებით, საქართველოში მოსახლეობის რიცხოვნობა 3 713 804-ია, რაც 2002 წლის აღწერის შედეგთან შედარებით, 15%-ით ნაკლებია.
აღწერის მონაცემებით, ქალაქის მოსახლეობა 2 122 623-ია, სოფლის მაცხოვრებლების რაოდენობა კი - 1 591 181.
წინა აღწერის მონაცემებთან შედარებით, ქალაქში მოსახლეობის რაოდენობა 2%-ითაა გაზრდილი.
საქსტატის ინფორმაციით, საყოველთაო აღწერის ფარგლებში აღიწერა ყველა ის ადამიანი, რომელიც საქართველოში ცხოვრობდა, ან აპირებდა დარჩენას ერთ წელზე მეტხანს.
საყოველთაო აღწერა 10 წელიწადში ერთხელ ტარდება.