გარდაიცვალა ტრიო "სიმის" წევრი რევაზ გელაშვილი. რეზო გელაშვილის პანაშვიდი 27 აპრილს თბილისში ზაზა ბენდელიანის 3 კორპუსი, 2 სადარბაზო, 3 სართული და გამოსვენება ხუთშაბათს, 28 აპრილს სიონის საკათედრო ტაძრიდან 14:00 საათზე გაიმართება.
ტრიო "სიმი" 1988 წლის დეკემბერში შეიქმნა, რომლის წევრები ტექნიკური უნივერსიტეტის კურსდამთავრებული ინჟინრები: ზაზა ვეფხვაძე, რევაზ გელაშვილი და ზურაბ ცქიტიშვილი არიან.
1991 წელს, ტრიომ პირველი აუდიო კასეტა, სახელწოდებით “რეტრო" ჩაწერა, რომელშიც კინოფილმებიდან ქართველი კომპოზიტორების ნაწარმოებები ჩაწერა. ტრიო “სიმმა" 28 წლის განმავლობაში მსოფლიოს მრავალ ქვეყანაში გამართა კონცერტები.
