დამოუკიდებელ სტუდენტთა მოძრაობამ კანცელარიაში პრემიერ-მინისტრის სახელზე განცხადება დატოვა, სადაც უმაღლესი განათლების რეფორმაში ჩართვას ითხოვენ.
თსუ-ს თვითმმართველობის წევრები და მათი მხარდამჭერები ტარას შევჩენკოს სახელობის სკვერში შეიკრიბნენ და მთავრობის კანცელარიამდე მსვლელობით მივიდნენ. გზად, კი მათ სხვადასხვა უნივერსიტეტების თვითმმართველობის წევრებიც შეუერთდნენ.
აქციის წევრის თამარ ნადარეიშვილის თქმით, ბოლო დროს გამოიკვეთა, რომ განათლების სისტემის რეფორმის პროცესში ჩართვის შესაძლებლობა სტუდენტთა მხოლოდ ერთ ჯგუფს ჰქონდა, რაც მიუღებელია.
აქციის წევრები აცხადებენ, რომ ისინი დაელოდებიან საქართველოს მთავრობის ადმინისტრაციის რეაქციას, რის შემდეგაც სამომავლო გეგმებზე იმსჯელებენ.