რუსთავში ,,ნაციონალური მოძრაობის“ აქტივისტს სიტყვიერი და ფიზიკური შეურაცხყოფა მიაყენეს, - ამის შსახებ ინფორმაციას ,,რუსთავი 2” ავრცელებს.
ტელეკომპანიის ინფორმაციით, მამუკა აბულაძეს საკუთარ ბართან ქალაქის მერიის 8 მაღალჩინოსანი დაესხა თავს და ის მომხდარს პოლიტიკური მიზეზებით ხსნის.
,,თვითმხილველები ამბობენ, რომ თავდამსხმელები ნასვამ მდგომარეობაში იყვნენ და მათ ბარში შესვლაც სცადეს, თუმცა მათ ამის საშუალება ბარის თანამშრომლებმა არ მისცეს. მომხდარზე ამ დრომდე კომენტარი არ გაუკეთებიათ რუსთავის მერიაში. მუნიციპალიტეტში განმარტეს, რომ ინფორმაციას დღის განმავლობაში გადაამოწმებენ. საქმეზე დაწყებულია გამოძიება ცემის მუხლით. შს სამინისტროს ინფორმაციით, ამ დროისთვის არავინ დაუკავებიათ”.
