თურქეთში გამართულ ბაღების და საბაღო ხელოვნების საერთაშორისო გამოფენაზე ,,EXPO 2016 ANTALYA''-ში საქართველო პირველად იღებს მონაწილეობას. ბათუმის მერიის ინფორმაციით, გამოფენაზე საქართველოს წარდგენის პატივი ბათუმის ბოტანიკურ ბაღს ერგო.
ღონისძიებას ბათუმის მერი გიორგი ერმაკოვი და აჭარის არ მთავრობის თავმჯდომარე არჩილ ხაბაძე ესწრებოდნენ. ხელშეკრულებას აღნიშნულ გამოფენაში საქართველოს მონაწილეობის შესახებ გასული წლის 14 აგვისტოს მოეწერა ხელი, რის შემდეგაც მონაწილეობისთვის მზადება დაიწყო.
მსგავს საერთაშორისო გამოფენაში მონაწილეობა ჩვენი ქვეყნისათვის პირველია. „EXPO 2016 ANTALYA'' ოფიციალურად 23 აპრილს გაიხსნა და 30 ოქტომბრამდე გაგრძელდება.
გამოფენაში მონაწილეთა რიცხვი სხვადასხვა ქვეყნიდან უპრეცენდენტოდ მაღალია. გამოფენაში მონაწილეობს თურქეთის სხვადასხვა რეგიონი, კანადა, ჩინეთი, კორეა,0987იაპონია, აზრბაიჯანი, ავსტრია, ფოლანდია და ა.შ.
ბათუმის ბოტანიკური ბაღის ექსპოზიცია საქართველოს ელჩმა თურქეთის რესპუბლიკაში ირაკლი კოპლატაძემ დაათვალიერა.