23 აპრილს, 10:30 საათზე  ივანე ჯავახიშვილის სახელობის თბილისის სახელმწიფო უნივერსიტეტში გამოფენა „ივანე ჯავახიშვილის კარტოგრაფიული მემკვიდრეობა“ გაიხსნება. ღონისძიებას თსუ რექტორის მოვალეობის შემსრულებელი დარეჯან თვალთვაძე, პროფესორები, სტუდენტები დაესწრებიან.         

ღონისძიება დიდ ქართველ მეცნიერის, საზოგადო მოღვაწისა და თსუ დამაარსებელის ივანე ჯავახიშვილის 140 წლის იუბილეს ეძღვნება. წარმოდგენილი საგამოფენო მასალები თვალსაჩინოს ხდის დიდი მეცნიერის შემოქმედების ნაკლებად ცნობილ სფეროს, როგორიცაა კარტოგრაფია. გამოფენა მომზადებულია თსუ მუზეუმის მიერ, ხოლო წარმოდგენილი მასალები მთლიანად მოძიებული და დამუშავებულია ივანე ჯავახიშვილის ცენტრის მიერ, რომელიც მათ საფუძველზე ატლასის გამოცემას გეგმავს. გამოფენილ კარტოგრაფიული ნაწარმოებებიდან 7 რუკა ან ივანე ჯავახიშვილის მიერაა შექმნილი ან მისი უშუალო მონაწილეობით.

საიუბილეო ღონისძიებების ფარგლებში 11.30 საათზე გაიმართება ყოველწლიური სამეცნიერო ფორუმი, რომელზეც გამოვლინდებიან საუკეთესო მოხსენების ავტორი პროფესორები; 17.00 საათზე  სან დიეგოს სახელმწიფო უნივერსიტეტის საბუნებისმეტყველო მეცნიერებათა ფაკულტეტის დეკანს სტენლი მალოის თსუ საპატიო დოქტორის წოდება მიენიჭება; 18.00 საათზე შედგება მერაბ კოკოჩაშვილის ფილმის „მათ შექმნეს უნივერსიტეტი - ფილმი I. ივანე ჯავახიშვილის “ ჩვენება.