საქართველოს ფსიქიკური ჯანმრთელობის ასოციაციასთან არსებულ ფსიქოსოციალურ რეაბილიტაციის ცენტრს გერმანელი სპეციალისტები სტუმრობდნენ.
ცენტრი, რომელიც დღის სტაციონარს წარმოადგენს და ერთ-ერთი პირველი შეიქმნა საქართველოში უცხოელი დონორების დახმარებით, ყოველდღიურად ორმოცამდე ფსიქიკური პრობლემების მქონე ადამიანს ემსახურება.
”ბერლინის ანალოგიური ფუნქციის მქონე დაწესებულების გამოცდილების გაზიარება ჩვენთვის მეტად მნიშვნელოვანია”-განაცხადა ფსიქიკური ჯანმრთელობის ასოციაციის თავმჯდომარემ მანანა შარაშიძემ.
გერმანელმა სპეციალისტებმა ასევე მოინახულეს ო. ღუდუშაურის სახელობის კლინიკის ფსიქიატრიული განყოფილება.