2016 წლის 21 აპრილს, 20 საათზე , დავით აღმაშენებლის აკადემიაში არსებული მეირ შავიტის მხატვარ-დიზაინერთა სკოლა შეზღუდული შესაძლებლების მქონე პირებზე მორგებული სასწავლო პროგრამის პრეზენტაციას გამართავს .
დავით აღმაშენებლის აკადემიამ შეზღუდული შესაძლებლობების მქონე პირთა პროფესიული უნარ-ჩვევების განსაზღვრისა და მათთვის კეთებით სწავლებაზე ორიენტირებული სასწავლო კურსის შეთავაზების მიზნით მნიშვნელოვანი მოსამზადებელი სამუშაოები ჩაატარა.
დავით აღმაშენებლის აკადემიას მჭიდრო კავშირები აქვს საქართველოს სხვადასხვა მუნიციპალიტეტთან და ადგილობრივ თვითმართველობებთან, კერძოდ, ურთიერთთანამშრომლობის მემორანდუმის ფარგლებში, მხატვარ-დიზაინერთა სკოლამ სამუშაო შეხვედრები გამართა საჩხერის, ჭიათურისა და ტყიბულის მუნიციპალიტეტებში მცხოვრებ შეზღუდული შესაძლებლობების მქონე პირებთან. აკადემიაში არსებული მეირ შავიტის მხატვარ-დიზაინერთა სკოლა გეგმავს გააფართოოს საქმიანობის არეალი და საქართველოს სხვადასხვა რეგიონში გახსნას სკოლის ფილიალები , ოპტიმიზებული , შეზღუდული შესაძლებლობების მქონე პირთა სწავლების და მათი შემდგომი თვითდასაქმებისათვის მიზნით.
ღონისძიებას დაესწრებიან საქართველოს მთავრობის, ადგილობრივი თვითმართველობების, რაიონული მუნიციპალიტეტების და სხვადასხვა საზოგადოებრივი ორგანიზაციის წარმომადგენლები.
პრეზენტაცია გაიმართება არტ ჰოლის შენობაში ( თბილისი, ცოტნე დადიანის ქუჩა N26, პირველი სართული).