2016 წლის სალაშქრო სეზონის გახსნის ფესტივალი 22 აპრილიდან 25 აპრილის ჩათვლით, კურორტ საწირეს მიმდებარე ტერიტორიაზე, ტყიბულის წყალსაცავის ნაპირზე ჩატარდება. ფესტივალის ორგანიზატორები არიან: მოლაშქრეთა ეროვნული ფედერაცია, სპორტისა და ახალგაზრდობის საქმეთა სამინისტრო, ტურიზმის ეროვნული ადმინისტრაცია და გარემოსა და ბუნებრივი რესურსების დაცვის სამინისტრო.
ფესტივალზე წარმოდგენილი იქნებიან მოლაშქრეთა ეროვნული ფედერაციის წევრი კლუბები, დამწყები და მოყვარული მოლაშქრეები, ჯომარდობის ეროვნული ფედერაცია, ამერიკული ფეხბურთის ფედერაცია და სხვა. ადგილზე მსურველთათვის თემატური ბანაკები, სხვადასხვა სახის გასართობი თამაშები და აქტივობები მოეწყობა.
22 აპრილი
დაბანაკება - კლუბები თავიანთი თემატური ბანაკებით განაწილდებიან ფესტივალის ტერიტორიაზე, სადაც საშუალება ექნებათ გაეცნონ ერთმანეთის გეგმებსა და პროფილებს. ბანაკის ტერიტორიაზე მოეწყობა „zipline“, რომელიც იფუნქციონირებს ფესტივალის მსვლელობისას. მთელი დღის განმავლობაში ბანაკში იქნება მუსიკალური გაფორმება.
23 აპრილი
ფედერაციის წევრ კლუბებს შორის ჩატარდება სალაშქრო რალი, სხვადასხვა ტიპის შეჯიბრებები; ამერიკული ფეხბურთის ფედერაცია გამართავს საჩვენებლ თამაშს, სადაც მსურველები შეძლებენ მოსინჯონ თავიანთი ძალები და შეისწავლონ ამერიკული ფეხბურთის წესები. ჯომარდობის ფედერაცია სტუმრებს საშუალებას მისცემს გამოცადონ თავიანთი შესაძლებლობები ჯომარდობაში. მოლაშქრეთა ფედერაცია ფესტივალის მონაწილეებს სხვადასხვა სიახლეებს შესთავაზებს. დღის განმავლობაში ელექრონული მუსიკა დაამშვენებს ფონს, საღამოს კი, გაიმართება სალაშქრო რალიში გამარჯვებული გუნდის დაჯილდოვება, რის შემდეგაც ჩატარდება კონცერტი ქართული ბენდების მონაწილეობით: JETBIRD, ASEA SOOL, MELOW YELOW.
24 აპრილი
დაგეგმილია სხვადასხვა სახის გასართობი ღონისძიებები, ფესტივალის მონაწილეებს საშუალება ექნებათ დაისვენონ და გაერთონ მთელი დღის განმავლობაში.
25 აპრილი
ფესტივალის დახურვა.
ფესტივალზე დასწრება თავისუფალია!
დამატებითი ინფორმაცია იხილეთ ღონისძიების Facebook გვერდზე: https://www.facebook.com/molashkre/?fref=nf