დღეს, აჭარის მთავრობის აპარატის შენობასთან იმყოფებოდა შშმ პირი ჯემალ ჭელიძე, რომელიც ითხოვდა მთავრობის თავჯდომარესთან შეხვედრას და გეგმავდა შიმშილობის ფორმისთვის მიმართვას. არჩილ ხაბაძე პირადად შეხვდა მოქალაქე ჯემალ ჭელიძეს, მოისმინა მისი პრობლემები და გადაჭრის გზებზე ესაუბრა.
შშმ პირი ჯემალ ჭელიძე აცხადებს, რომ ხულოს მუნიციპალიტეტის გამგეობაში შეტანილი აქვს პროექტი, რომელიც შშმ პირებისათვის გაუმჯობესებულ გარემოს შეუწყობს ხელს. მთავრობის თავმჯდომარე მას შეჰპირდა, რომ აუცილებლად დაინტერესდება პროექტის ბედით და პირადად გაუწევს რეკომენდაციას დასაქმების მიმართულებით. მთავრობის თავმჯდომარემ ასევე ბოდიში მოიხადა, რომ შეხვედრა ქუჩაში გაიმართა, რადგანაც მთავრობის ადმინისტრაციის შენობა ამ ეტაპზე სამწუხაროდ არ არის ადაპტირებული. მოქალაქე ჯემალ ჭელიძე აღარ გააგძელებს მთავრობის აპარატთან აქციას და დაელოდება შეხვედრის შედეგებს.