რეგიონის პირველმა პირმა არჩილ ხაბაძემ განათლების მინისტრთან გიორგი თავამაიშვილთან, უმაღლესი საბჭოს თვმჯდომარე ავთანდილ ბერიძესთან და ქალაქის მერთან გიორგი ერმაკოვთან ერთად ყვავილებით შეამკეს ილია ჭავჭავაძის ძეგლი.
უნივერსიტეტის სტუდენტებმა და ბათუმის საჯარო სკოლების მოსწავლეებმა წარმოადგინეს ლიტერატურული პერფორმანსი ქართული ენის მნიშვნელობისა და სახელმწიფოებრიობის შესახებ. „იშვიათია ქვეყანა, სადაც მშობლიურ ენას „დედაენას“ უწოდებენ, ძეგლს უდგამენ ან დღესასწაულად აღნიშნავენ.
საქართველოში ეს დღე უკვე რამდენიმე ათწლეულია განსაკუთრებულად აღინიშნება. სასიხარულოა, რომ ამ დღეს კიდევ ერთხელ ვიხსენებთ 1978 წლის 14 აპრილის მოვლენებს, როცა ქართული ენის კონსტიტუციური სტატუსის შეცვლას საპროტესტო დემონსტრაციები მოჰყვა. ეს იყო ისტორიული და სამაგალითო დღეები ქართველი ხალხის ერთად დგომისა და ბრძოლისა, მით უფრო, რომ ეს ბრძოლა მიმართული იყო უმნიშვნელოვანესი იდეის - სახელმწიფო ენის დაცვისა და შენარჩუნებისაკენ. ჩვენ არა მხოლოდ პატივი უნდა მივაგოთ მსოფლიოში ერთ-ერთი უძველესი და უნიკალური დამწერლობის მქონე ქართულ ენას, არამედ გავუფრთხილდეთ და დავიცვათ, სათანადოდ დავაფასოთ და გვიყვარდეს იგი” -განაცხადა არჩილ ხაბაძემ