მოსკოვი შვეიცარიას საქართველოში რუსეთის საკონსულო შტატის გაზრდას სთხოვს. ამის შესახებ საგარეო საქმეთა მინისტრმა სერგეი ლავროვმა შვეიცარიელ კოლეგასთან, დიდიე ბურკჰალტერთან ერთობლივ პრესკონფერენციაზე განაცხადა.
“ვიზების მოთხოვნის რაოდენობა მკვეთრად გაიზარდა, ამიტომ ჩვენ გვუსრს შვეიცარიელი კოლეგების მხარდაჭერა, რომ თბილისში ჩვენი საკონსულოს თანამშრომლების შტატი რამდენიმე თანამდებობით გაიზარდოს”, - განაცხადა ლავროვმა.
რუსეთის საგარეო საქმეთა მინისტრმა აღნიშნა, რომ რუსეთი სხვადასხვა კატეგორიის, ტურისტულის გარდა, დიდი რაოდენობით ვიზებს გასცემს, მათ შორის ახლო ნათესავების მოწვევის გარეშე.
საქართველოსა და რუსეთს შორის დიპლომატიური ურთიერთობები 2008 წლის შემდეგ გაწყვეტილია. ურთიერთობებში შუამავლის როლს შვეიცარია ასრულებს.
