კამპანია „ეს შენ გეხებას“ წარმომადგენელი ეკა გიგაური აცხადებს, რომ ფარულ ჩანაწერებტან დაკავშირებით, პროკურატურა 3 წელია უმოქმედოდაა. ,,ეროვნული ფორუმის“ წარმომადგენლებთან შეხვედრის შემდეგ გიგაურმა ასევე განაცხადა, რომ ”ეს შენ გეხებაში” შემავალი არასამთავრობო ორგანიზაციების წარმომადგენლები უკვე წლებია ითხოვენ, პროკურატურას გამოეძიებინა და დაედგინა ვინ იდგა ამ 26 000 კადრის უკან.
„ჩვენ მაშინაც ვთხოვდით პროკურატურას, რომ გამოეძიებინა და დაედგინა, ამ 26 000 კადრის უკან ვინ იდგა, ვინ აძლევდა და ასრულებდა უკანონო ბრძანებებს. სამი წელია პროკურატურა აბსოლუტურად უმოქმედოა და არაეფექტურია ამ მიმართულებით და ზუსტად ამიტომ, რაღაც პერიოდში, ჩვენ ვთქვით, რომ დღევანდელი პროკურორი ამ ამოცანას ვერ შეასრულებს, რადგან სამი კადრის შემთხვევაში შესაძლებელი იყო, რომ შვიდი ადამიანის პასუხიმგებლობის საკითხი დამდგარიყო, მაშინ როცა ქვეყანაში არსებობს 26 000 კადრი და ამასთან დაკავშირებით არავის პასუხისმგებლობის საკითხი არ დამდგარა“, - განაცხადა ეკა გიგაურმა.