ადამიანის უფლებათა დაცვის კომიტეტმა უზენაესი სასამართლოს მოსამართლის ვაკანტურ თანამდებობაზე წარდგენილი ორი კანდიდატურიდან მხარი მხოლოდ თამარ ლალიაშვილს დაუჭირა. რაც შეეხება ნონა თოდუას, მან დეპუტატების მხარდაჭერა ვერ მოიპოვა.
კომიტეტის დღევანდელ სხდომაზე რეგისტრაცია 10-მა დეპუტატმა გაიარა. აქედან ფარულ კენჭისყრაში მონაწილოება კომიტეტის 8 წევრმა მიიღო. კენჭისყრის შედეგად, თამარ ლალიაშვილს მხარი 6-მა დეპუტატმა დაუჭირა, ხოლო ორი ბიულეტენი ბათილად იქნა ცნობილი.
რაც შეეხება ნონა თოდუას, მას მხარი კენჭისყრაში მონაწილე 5-მა დეპუტატმა დაუჭირა. მის წინააღმდეგ ხმა ერთმა მისცა. ორი ბიულეტენი ბათილად იქნა ცნობილი.
რაც შეეხება იურიდიულ საკითხთა კომიტეტს, გუშინ სხდომაზე ორივე კანდიდატი ჩავარდა.
პრეზიდენტის მიერ წარდგენილი უზენაესი სასამართლოს მოსამართლეობის კანდიდატების მხარდაჭერის საკითხი სესიაზე გავა.
შეგახსენებთ, რომ პოლიტიკოსთა და არასამთავრობოთა ნაწილი ნონა თოდუას ჰომოფობიაში
ადანაშაულებს.