112 წლის ასაკში მსოფლიოს ყველაზე ხანდაზმული მამაკაცი გარდაიცვალა. იაპონელი იასუტარო კოიდე ქალაქ ნაგოიაში გარდაიცვალა.
ექიმების განცხადებით, სიკვდილის მიზეზი პნევმონიის ფონზე განვითარებული გულის უკმარისობა იყო. იასუტარო კოიდე 1903 წლის 13 მარტს დაიბადა. მისი სახელი შეტანილი იყო გინესის რეკორდების წიგნში. წიგნში მისი სახელი გასული წლის ივნისში, ასევე იაპონელი საკარი მომონის გარდაცვალების შემდეგ შეიტანეს. პლამეტის ყველაზე ხადაზმული ადამიანი კი კვლავინდებურად ამერიკელი სიუზან მუშატ ჯონსია. იგი 116 წლისაა. გინესის რეკორდების წიგნის მიხედვით დედამიწაზე წყველაზე ხანდაზმული ადამიანი იყო ფრანგი ჟანა კალმანი, რომელიც 1997 წელს 122 წლის ასაკში გარდაიცვალა.
