ჰოლივუდის ცნობილმა მსახიობმა სტივენ სიგალმა სერბეთის მოქალაქეობა მიიღო. ამის შესახებ გამოცემა PTC იტყობინება. 2015 წელს მსახიობი სერბეთში 2-ჯერ იმყოფებოდა. მან ბელგრადში მიუსაფარ ბავშვთა თავშესაფარიც მოინახულა და საჩუქრები დაურიგა. სიგალი თავის მუსიკალურ ჯგუფთან ერთად პარლამენტშიც გამოვიდა. პრემიერ ვუჩიჩთან შეხვედრის შემდეგ კი სიგალმა განაცხადა, რომ სერბეთის პოპულარიზაციისთვის ყველა ღონეს იხმარს. მსახიობმა ბელგრადში აიკიდოს კლუბის გახსნის სურვილიც გამოთქვა.
