ბათუმის მერია მესამე დღეა საგანგებო რეჟიმში აგრძელებს მუშაობას.
მერიის განცხადების ინფორმაციით, ქალაქის მასშტაბით გზებისა და ტროტუარების თოვლისგან გაწმენდისათვის ყოველდღიურად სანდასუფთავების 200 თანამშრომელი და 25 ერთეული მძიმე ტექნიკა 24 საათის განმავლობაში მუშაობს.
„დღის განმავლობაში გაიწმინდა 100-დე ქუჩა. არ შეფერხებულა მაგისტრალებზე მოძრაობა. ქალაქში მთელი დღის განმავლობაში მიმდინარეობდა ხეების თოვლისგან გათავისუფლების ღონისძიებები, რომელსაც ბათუმის მერიის გამწვანების სამსახური ახორციელებდა. მთელი დღის განმავლობაში საგანგებო რეჟიმში მუშაობდა ასევე შპს ,,ბათუმის წყლი“. მობილური ჯგუფები მთელი ღამის განმავლობაში გააგრძელებენ საგანგებო რეჟიმში ყოფნას.
მოქმედებს ცხელი ხაზი შემდეგ ნომრებზე: 27 26 09; 24 22 22“, აღნიშნულია ქალაქ ბათუმის მერიის განცხადებაში.
