პრემიერ-მინისტრი ირაკლი ღარიბაშვილი მარჯვენასაჭიანი ავტომობილების რეგისტრაციის აკრძალვის ინიციატივას მიესალმება.
პრემიერმა შსს მინისტრს გიორგი მღებრიშვილს აღნიშნული ინიციატივისათვის მთავრობის დღევანდელ სხდომაზე მადლობა გადაუხადა.
,,ასეთ საკითხებზე საჭიროა უკვე დროული რეაგირება. იგივე ეკოლოგიის კუთხით ჩვენ გვაქვს კატასტროფა თბილისში. მე რაც მესმის ადამიანებისგან, არის მასობრივი ჩივილი და უკმაყოფილება იმის თაობაზე, რომ ავტომობილები დადიან სპეციალური კატალიზატორის გარეშე, რომელიც გამონაბოლქვს ფილტრავს. ასევე მინდა გთხოვოთ, საწვავის, დიზელის, ბენზინის გეგმიური შემოწმება რეგულარულად გააგრძელოთ", - მიმართა პრემიერ-მინისტრმა გიორგი მღებრიშვილს.
