3 დეკემბერს მსოფლიო შეზღუდული შესაძლებლობის მქონე პირთა უფლებების დაცვის საერთაშორისო დღეს აღნიშნავს. ამასთან დაკავშირებით საქართველოს სპორტისა და ახალგაზრდობის საქმეთა სამინისტრო ახორციელებს სხვადასხვა ღონისძებებს იმერეთისა და ქვემო ქართლის რეგიონში.
საქართველოს სპორტისა და ახალგაზრდობის საქმეთა სამინისტროს ინფორმაციით, უწყების ერთ-ერთ პრიორიტეტს შეზღუდული შესაძებლობის მქონე პირთა საზოგადოებაში ინტეგრაცია წარმოადგენს. ამ მიმართულებით სამინისტრო წლის განმავლობაში სხვადასხვა პროექტებს ახორციელებს.
ღონისძიების მიზანია, წლის განმავლობაში განხორციელებული პროექტების შედეგების პრეზენტაცია, ჯანსაღი ცხოვრების წესისა და კულტურულ-შემოქმედებითი მიმართულების პოპულარიზაცია, სტიგმასთან ბრძოლა. ასევე, რეგიონებში მცხოვრები შშმ პირების გააქტიურება.
ღონისძიებებში ჩაერთვებიან შშმ პირები საქართველოს რეგიონებიდან.
პროექტის ძირითადი მესიჯია:
არა ბარიერებს! არა შეზღუდვებს!
ღონისძებების განრიგი:
1-2 დეკემბერი: მოხალისეების გადამზადება მარნეულსა და რუსთავში თემაზე შშმ პირები,სწორი ტერმინოლოგია.
2 დეკემბერი:
10:00 კონფერენცია შეზღუდული შესაძებლობის მქონე პირთა თემაზე (ჭიათურა)
15:00 ინკლუზიური კონცერტი ჭიათურის დრამატულ თეატრში.
3 დეკემბერი:
10:00-12:00 მონაწილეთა რეგისტრაცია (მარნეულის სპორტის სასახლე)
12:00 მკლავჭიდი,დარტსი,ნარდი,მაგიდის ჩოგბურთი, სირბილი 30 მეტრზე, ჭადრაკი (მარნეულის სპორტის სასახლე)
15:00 პარაკალათბურთის საჩვენებელი მატჩი (მარნეულის სპორტის სასახლე)
16:00 მონაწილეთა დაჯილდოება (მარნეულის სპორტის სასახლე)
17:30 ხელნაკეთი ნივთების გამოფენა (რუსთავის თეატრი)
18:00 ინკლუზიური გალა-კონცერტი (რუსთავის თეატრი)
