ეგვიპტე რუსული სამგზავრო თვითმფრინავის ჩამოგდების ვერსიას არ იზიარებს. ოფიციალური ქაიროს განცხადებით, არანაირი მტკიცებულება იმისა, რომ ეარბასში ტერორისტმა თავი აიფეთქა, არ არსებობს, მაგრამ იმ შემთხვევაში, თუ ტერაქტის ვერსია დადასტურდება, ეგვიპტე რუსულ მხარესთან გამოძიებაში აქტიურად ითანამშრომლებს. გუშინ რუსეთის უშიშროების ფედერალური სამსახურის უფროსმა ალექსანდრ ბორტნიკოვმა პრეზიდენტ პუტინს გამოძიების შედეგები გააცნო. უწყების ხელმძღვანელის განცხადებით, ტერაქტის ვერსია ოფიციალურად დადასტურდა. რუსულმა სამგზავრო თვითმფრინავმა კატასტროფა შარმ-ეშ-შეიხში 31 ოქტომბერს განიცადა, რასაც 224 ადამიანი ემსხვერპლა.
