საფრანგეთისა და ფრანგი ხალხის მხარდასაჭერად “თავისუფალი დემოკრატების“ ახალგაზრდული ფრთის წარმომადგნელები საფრანგეთის საელჩოსთან შეიკრიბნენ. აქციის მონაწილეებმა 13 ნოემბერს დაღუპულთა ხსოვნის პატივსაცემად საელჩოსთან ყვავილები მიიტანეს, სანთლები დაანთეს და მხარდაჭერა გამოუცხადეს საფრანგეთს. მათი თქმით, ტერორიზმი 21-ე საუკუნის უდიდესი გამოწვევაა, რომელთან საბრძოლველადაც მსოფლიო ლიდერებმა სერიოზული ნაბიჯი უნდა გადადგან. დღეს საელჩოში სამძიმრის წიგნი გაიხსნება, სადაც მსურველებს ჩანაწერების გაკეთების შესაძლებლობა ექნებათ.