თბილისის მერის დავით ნარმანიას განცხადებით, ტენდერი, რომელიც ევროპის რეკონსტრუქციისა და განვითარების ბანკის მხრიდა,ნ დედაქალაქისთვის ავტობუსების შეძენაზე გამოცხადდება, ითვალისწინებს გაზზე მომუშავე ავტობუსების შეძენას.
როგორც მერმა ჟურნალისტებთან საუბარში განაცხადა, ევროპის ქალაქების დიდი რაოდენობა გადასულია ასეთ ავტობუსებზე და საერთაშორისო პრაქტიკა აჩვენებს, რომ ეს არის უსაფრთხო.
„ჩვენ ევროპის რეკონსტრუქციისა და განვითარების ბანკმა ჩაგვიტარა კვლევა, რომელიც, ერთი მხრივ, ადგილზე არსებული ვითარების მოკვლევას ისახავდა მიზნად, მეორე მხრივ, საერთაშორისო გამოცდილების კვლევას. აქედან გამომდინარე, მიღებულია გადაწყვეტილება, რომ უსაფრთხო, აპრობირებული და გარემოზე ნაკლებ ზემოქმედების მქონე არის გაზზე მომუშავე ავტობუსები“, - განაცხადა ნარმანიამ.
თბილისის მუნიციპალური ტრანსპორტის ავტოპარკის განახლება 2016 წელს იგეგმება.