აშშ-საქართველოს სტრატეგიული პარტნიორობის კომისიის პლენარული სხდომის შემდეგ მიღებულ იქნა ერთობლივი განცხადება, რომელსაც საგარეო საქმეთა სამინისტრო ავცელებს.
განცხადების ტექსტს უცვლელად გთავაზობთ:
2 ნოემბერს აშშ-ის სახელმწიფო დეპარტამენტში აშშ-საქართველოს სტრატეგიული პარტნიორობის ქარტიის კომისიის მეხუთე პლენარული სხდომა გაიმართა, რომელსაც ხელმძღვანელობდნენ ამერიკის შეერთებული შტატების სახელმწიფო მდივნის მოადგილე ენტონი ბლინკენი და საქართველოს ვიცე-პრემიერი, საგარეო საქმეთა მინისტრიგიორგი კვირიკაშვილი. სტრატეგიული პარტნიორობის ქარტიის კომისია ამერიკის შეერთებულ შტატებსა და საქართველოს შორის სტრატეგიული ორმხრივი დიალოგისძირითადი ფორმატია, რომლის მიზანსაც ქვეყნებს შორის თანამშრომლობის გაღრმავება და საქართველოს ევრო-ატლანტიკური ინტეგრაციის ერთობლივი მიზნისხელშეწყობა წარმოადგენს. ქარტიის კომისიამ ყურადღება გაამახვილა ორმხრივი თანამშრომლობის გაძლიერებაზე ისეთ სფეროებში, როგორიცაა დემოკრატია, თავდაცვა დაუსაფრთხოება, ეკონომიკა, ვაჭრობა და ენერგეტიკა, ხალხთაშორისი ურთიერთობები და კულტურული გაცვლები.
ამერიკის შეერთებულმა შტატებმა დაადასტურა საქართველოს ტერიტორიული მთლიანობის, სუვერენიტეტისა და დამოუკიდებლობის მიმართ მტკიცე მხარდაჭერა. აშშ-ისმხრიდან თანათავმჯდომარეებმა რუსეთის ფედერაციას კიდევ ერთხელ მოუწოდეს შეასრულოს ცეცხლის შეწყვეტის შესახებ 2008 წლის შეთანხმებით ნაკისრივალდებულებები და მოიწონეს რუსეთის პროვოკაციებზე საქართველოს მთავრობის ზომიერი რეაქცია. აშშ-მ ასევე მტკიცედ დაუჭირა მხარი საქართველოს ევრო-ატლანტიკურ სტრუქტურებში გაწევრიანებასა და ევროპულ ინტეგრაციას, მათ შორის ევროკავშირთან ხელმოწერილი ასოცირების შესახებ შეთანხმებას და მიესალმასაქართველოს ძალისხმევას, იმუშაოს ევროკავშირთან ერთად ღრმა და ყოვლისმომცველი თავისუფალი სავაჭრო სივრცის შესახებ შეთანხმების სწრაფი განხორციელებისმიმართულებით. მხარეებმა ხაზგასმით აღნიშნეს მაღალი დონის ვიზიტების განხორციელების მნიშვნელობა, რაც ადასტურებს მხარეთა მზაობას, გაამყარონ ორმხრივისტრატეგიული პარტნიორობა.
ეკონომიკა, ვაჭრობა და ენერგეტიკა: აშშ-საქართველოს სტრატეგიული პარტნიორობის ქარტიის კომისია მიესალმა რეგიონში საქართველოს, როგორც სავაჭრო დასატრანსპორტო ჰაბის მზარდ ეკონომიკურ როლს, რასაც მოწმობს წარმატებით ჩატარებული აბრეშუმის გზის ფორუმი, რომლის მიზანი იყო კავკასიის გავლით ევროპისა დააზიის დამაკავშირებელი სავაჭრო დერეფნის მიმართ რეგიონული მხარდაჭერის მობილიზება. სტრატეგიული პარტნიორობის ქარტიის კომისიამ დაადასტურასაქართველოს ენერგოუსაფრთხოების უზრუნველსაყოფად უწყვეტი თანამშრომლობის მნიშვნელობა, სამხრეთის ბუნებრივი აირის დერეფნის პროექტის დასრულებისა დასაქართველოს განახლებადი რესურსების შემდგომი განვითარების გზით. ორივე მხარემ აღნიშნა აშშ-ის სავაჭრო წარმომადგენლის ოფისში გამართული ვაჭრობასა დაინვესტიციებზე აშშ-საქართველოს მაღალი დონის დიალოგის ბოლო რაუნდის ფარგლებში მიღწეული პროგრესი. მხარეები შეთანხმდნენ აღნიშნული ფორმატის მეშვეობითმუშაობის გაგრძელებაზე ორ ქვეყანას შორის ვაჭრობისა და ინვესტიციების გაძლიერების, მათ შორის, თავისუფალი ვაჭრობის შეთანხების შესაძლო გაფორმების მიზნით.საქართველომ ამერიკის შეერთებულ შტატებს მიულოცა წყნარი ოკეანეთის პარტნიორობასთან (TPP) დაკავშირებული მოლაპარაკებების წარმატებით დასრულება, მიესალმა ვაჭრობასა და ინვესტიციებზე ტრანსატლანტიკური პარტნიორობის (TTIP) მოლაპარაკებებში მიღწეულ პროგრესს და გამოთქვა ზემოაღნიშნულ პლატფორმებთანთანამშრომლობის ინტერესი. აშშ-სა და საქართველოს შორის ეკონომიკური თანამშრომლობის შემდგომი გაღრმავების მიზნით, მხარეებმა იკისრეს ვალდებულება,გადაიდგას პრაქტიკული ნაბიჯები კონკრეტულ სექტორებში, მათ შორის სატრანსპორტო ინფრასტრუქტურის, განახლებადი ენერგიის, სოფლის მეურნეობის, გარემოსდაცვის, ტურიზმის, მცირე და საშუალო საწარმოების მხარდაჭერის, ინტელექტუალური საკუთრების უფლებებისა და ინოვაციებისა და ტექნოლოგიების სფეროებშითანამშრომლობის შესაძლებლობების განვითარების მიზნით.
დემოკრატია: სტრატეგიული პარტნიორობის ქარტიის კომისია მიესალმა რეფორმების კუთხით საქართველოს მიერ გაწეულ ძალისხმევას და აღნიშნა, რომ დამატებითიძალისხმევა ამ მიმართულებით ხელს შეუწყობს საქართველოს ეკონომიკის, დემოკრატიისა და კანონის უზენაესობის გაძლიერებას. მხარეებმა იმსჯელეს პოლიტიკურიპარტიებისა და კანდიდატებისთვის 2016 წლის ოქტომბრის საპარლამენტო არჩევნებამდე, არჩევნების პროცესში და არჩევნების შემდეგ სამართლიანი, თანასწორი დაკონკურენტული პირობების შექმნის მნიშვნელობაზე, ასევე შეთანხმდნენ ღია, პლურალისტური და დამოუკიდებელი მედია სივრცის შენარჩუნების აუცილებლობაზე.ორივე მხარემ დაადასტურა ძლიერი და დამოუკიდებელი სასამართლო სისტემის არსებობის მნიშვნელობა. ამერიკის შეერთებული შტატები მიესალმა გენერალურიპროკურატურის, ძალოვანი და უსაფრთხოების სამსახურების მიმართულებით ბალანსისა და კონტროლის მექანიზმების გაძლიერებას.
თავდაცვა და უსაფრთხოება: მხარეებმა ხაზგასმით აღნიშნეს საქართველოს მიერ მიღწეული პროგრესი ევრო-ატლანტიკური მისწრაფებების თვალსაზრისით. აშშ-მ კიდევერთხელ დაადასტურა თავისი მხარდაჭერა ბუქარესტის სამიტზე მიღებული გადაწყვეტილების მიმართ, რომ საქართველო გახდება ნატო-ს წევრი და საქართველოს მტკიცემხარდაჭერა აღუთქვა ევროატლანტიკური ინტეგრაციის მიზნისკენ მიმავალ გზაზე.
ორივე მხარემ განსაკუთრებით აღნიშნა საქართველოში განხორციელებული ინტენსიური რეფორმები და პროგრესი, რომელსაც ქვეყანამ წლიური ეროვნული პროგრამის,ნატო-საქართველოს კომისიისა და ნატო-საქართველოს არსებითი პაკეტის განხორციელების გზით მიაღწია და რაც ხელს უწყობს ქვეყნის ალიანსში გაწევრიანებისთვისმომზადების პროცესს.
ორივე მხარემ დადებითად შეაფასა პროგრესი, რომელიც მიღწეულ იქნა საქართველოს ნატოსთან თავსებადობის გაზრდის პროცესში, მათ შორის, აშშ-ს მიერ ნატოს სწრაფირეაგირების ძალებში საქართველოს მონაწილეობის მხარდაჭერით. მხარეებმა ასევე აღნიშნეს, რომ მნიშვნელოვანი იქნება საქართველოს უსაფრთხოების გაუმჯობესებაქვეყნის თავდაცვისუნარიანობის, სიმტკიცისა და შეკავების შესაძლებლობების გაზრდით. აშშ-ის მხარე მიესალმა აშშ-სა და საქართველოს შორის თანამშრომლობასსაერთაშორისო ორგანიზებული დანაშაულის აღკვეთის კუთხით საქართველოს საზღვრების გაძლიერების სფეროში, რის შედეგადაც საქართველოში გამოვლენილ დააღკვეთილ იქნა მსოფლიოში უპრეცედენტო ოდენობის ნარკოტიკული საშუალების - ჰეროინის გადაზიდვა. მხარეებმა აღნიშნეს უსაფრთხოების სექტორში რეფორმებისგანხორციელების უწყვეტობის მნიშვნელობა საქართველოს ყველა მოქალაქის ადამიანის უფლებების დაცვის თვალსაზრისით.
აშშ–მ ხაზგასმით აღნიშნა საქართველოს მიერ ავღანეთში საერთაშორისო უსაფრთხოების მხარდამჭერი ძალებისა (ISAF) და ,,მტკიცე მხარდაჭერის’’ მისიაში, ასევე გაეროსსამშვიდობო ოპერაციებში შეტანილი წვლილი; ამასთან, პატივი მიაგეს იმ ქართველ ჯარისკაცებს, რომლებმაც ამერიკელ ჯარისკაცებთან ერთად სიცოცხლე შესწირეს მისიისშესრულებას. აშშ-ს მხარემ აღნიშნა საქართველოს ზრუნვა თავის დაჭრილ სამხედრო მოსამსახურეებზე და განაცხადა, რომ ამერიკის შეერთებული შტატები კვლავაც მხარსდაუჭერს ასეთ ძალისხმევას, საქართველოში მათი მკურნალობის შესაძლებლობების განვითარების ჩათვლით.
ხალხთაშორისი ურთიერთობები და კულტურული გაცვლები: ამერიკის შეერთებული შტატები ასევე მიესალმა საქართველოს მთავრობის ძალისხმევას, კავშირებიგააღრმავოს აფხაზეთისა და სამხრეთ ოსეთის რეგიონების მაცხოვრებლებთან და მათთვის ხელმისაწვდომი გახადოს უფრო მეტ მომსახურებებზე წვდომა. ორივე მხარემაღნიშნა ხალხთაშორისი ჩართულობის გაძლიერების მნიშვნელობა ურთიერთობების დამყარებისა და შერიგებისკენ მიმართული ძალისხმევის ხელშეწყობის გზით. ორივემხარემ, ასევე, აღნიშნა აუცილებლობა, ითანამშრომლონ საქართველოში რუსეთის უშუალო მხარდაჭერით გზავნილების გავრცელების გააქტიურების და რუსეთისქმედებებზე მონიტორინგის განხორციელების და რეაგირების კუთხით.
მხარეებმა აღნიშნეს „ათასწლეულის გამოწვევის კორპორაციის“ მეორე კომპაქტის ისტორიული მნიშვნელობა და მისი წვლილი საქართველოს სამუშაო ძალის განვითარებისსაქმეში მეცნიერების, ტექნოლოგიების, საინჟინრო და მათემატიკის მიმართულებებით, განათლების ხარისხის ამაღლებისა და პროფესიული გადამზადების სექტორშისტრატეგიული ინვესტიციების გზით.
აშშ-საქართველოს სტრატეგიული პარტნიორობის ქარტიის კომისიამ აღნიშნა აშშ-ის მიერ დაფინანსებული სტუდენტური გაცვლითი პროგრამებისა და აშშ-სა დასაქართველოს უნივერსიტეტებს შორის თანამშრომლობის გაღრმავების მნიშვნელობა. მხარეები შეთანხმდნენ შემდგომშიც გააღრმავონ პარტნიორული ურთიერთობებიჯანდაცვის სფეროში, მეცნიერების, გადამდები და არაგადამდები დაავადებების მართვის სექტორში ერთობლივი პროექტების მიმართულებით თანამშრომლობისგაძლიერებისა და ახალი ინიციატივების წამოწყების გზით.
აშშ-საქართველოს სტრატეგიული პარტნიორობის ქარტიის კომისიის სხდომის დასასრულს ხაზი გაესვა აშშ-სა და საქართველოს შორის არსებული ძლიერი და აქტიურიპარტნიორობის მნიშვნელობას.
