ავტოსაგზაო შემთხვევა მახინჯაურში. სამგზავრო ავტობუსს სატვირთო მანქანა დაეჯახა, რის შედეგადაც ავტობუსის მძღოლმა საჭე ვეღარ დაიმორჩილა და ხეს შეეჯახა. ინციდენტისას ავტობუსში 6 ადამიანი იმყოფებოდა. მათ სხვადასხვა სახის ტრავმები და დაჟეჟილობა აღენიშნებათ. დაშავებულები ბათუმის რეფერალურ და რესპუბლიკურ საავადმყოფოებში გადაიყვანეს. მათი მდგომარეობა სტაბილურია. ავტოსაგზაო შემთხვევის გამო ცენტრალურ მაგისტრალზე მოძრაობა თითქმის 2 საათით იყო შეფერხებული.
