გაეროს შტაბ-ბინასთან პალესტინის დროშა აღმართეს. ეს მას შემდეგ მოხდა, რაც გენერალურმა ასამბლეამ შენობასთან პალესტინისა და ვატიკანის დროშების აღმართვას მხარი დაუჭირა. მანამდე პალესტინის ავტონომიის ლიდერმა გენერალური ასამბლეის ტრიბუნიდან ისრაელი ღია აგრესიაში დაადანაშაულა, ბენიამინ ნეთანიაჰუმ კი მაჰმუდ აბასის გამოსვლას აბსურდული უწოდა. გაეროში დამკვირვებლის სტატუსი პალესტინის ავტონომიამ 3 წლის წინ მიიღო, თუმცა იმისათვის, რომ ორგანიზაციის სრულუფლებიანი წევრი გახდეს, უშიშროების საბჭოს თანხმობაა საჭირო.
