დღეს, 14 სექტემბრს, საქართველოს საჯარო სკოლებში სასწავლო პროცესი იწყება. როგორც ,,ჯი-ეიჩ-ენს” განათლების სამინისტროში განუცხადეს, ახალ სასწავლო წელს 3 ახალი სკოლა გაიხსნება.
უწყების ინფორმაციით, ჯამში 2013 -დან სულ 10 ახალი სკოლაა ექსპლუატაციაში შესული, მიმდინარე წლის ბოლომდე დასრულდება და გაიხსნება კიდევ 8 სკოლა. ხოლო 20 სკოლის პროექტირება მიმდინარეობს, საიდანაც 6 ის მშენებლობა წელსვე დაიწყება.
სამინისტროს ინფორმაციით, 2013 წლიდან მოყოლებული, ფუნდამენტური რეაბილიტაცია ჩაუტარდა დაახლოებით 1200 სკოლას (კარ ფანჯარა, სახურავი, სველი წერტილები, გათბობა და სხვა).
სამინისტროს ინფორმაციით, ახალი სასწავლო წლისთვის სახელმძღვანელოების სრული კომპლექტი ექნება ყველა მოსწავლეს, ასევე, ყველა რაიონში ჩატანილია წიგნები და ძირითადი რაოდენობები სკოლებშიც დარიგებულია.
ახალ სასწავლო წელს პირველკლასელებს ექნებათ განახლებული კომპიუტერები, ასევე წელს უკვე 300 -მდე სკოლას ექნება ექიმის სერვისი.
