საქართველოს კათოლიკოს-პატრიარქმა უწმინდესმა და უნეტარესმა ილია მეორემ სტუდენტები დალოცა. როგორც უწმინდესმა სამების საკათედრო ტაძარში ქადაგებისას ბრძანა, ახალგაზრდობა მრავალი პრობლემის წინაშე დგას. თუმცა, პატრიარქმა იმედი გამოთქვა, რომ არსებული პრობლემები წარმატებით დაიძლევა.
,,მინდა გითხრათ, რომ ახლა იწყება თქვენი მოღვაწეობა, დიდი პასუხისმგებლობა - პასუხისმგებლობა ღვთის წინაშე, ერის წინაშე, საკუთარი თავის წინაშე, ოჯახის წინაშე, ამიტომ მზად უნდა იყოთ, ყოველი ადამიანი მზად უნდა იყოს განსაცდელისთვის, ყველაფერი უნდა გააკეთოს, რომ სასოწარკვეთილებაში არ ჩავარდეს. საერთოდ, ჩვენი ახალგაზრდობა მრავალი პრობლემის წინაშე დგას. ჩვენ ვერ გამოვედით იმ მდგომარეობიდან, რაშიც კაცობრიობა იმყოფება - ნარკომანია და სხვა სენი დღევანდელი ახალგაზრდობის ნაწილს ახასიათებს. მაგრამ იმედი მაქვს, რომ ჩვენი ხალხი ისეთი მადლით არის დაჯილდოებული, რომ ამ სენს დაძლევს და დიდი მოღვაწეობისთვის მოემზადება", - ბრძანა უწმინდესმა.
