სირიაში რუსი სამხედროების ყოფნის გამო ვაშინგტონი შეშფოთებას გამოთქვამს. გვიან ღამით ამერიკისა და რუსეთის პირველ დიპლომატებს შორის სატელეფონო საუბარი შედგა. ჯონ ქერიმ სერგეი ლავროვს კიდევ ერთხელ შეახსენა, რომ კონფლიქტში რუსეთის ჩართულობა სირიაში ვითარებას კიდევ უფრო დაძაბავს. აგვისტოს ბოლოს სირიის არმიამ ლატაკიის რეგიონში გადაღებული კადრები გაავრცელა, რომელიც სირიაში რუსული სამხედრო ტექნიკისა და სამხედრო მოსამსახურეების ყოფნას ადასტურებს.
