ხვალ, 2 სექტემბერს პრემიერ-მინისტრი ახალ საგარეო საქმეთა მინისტრს, გიორგი კვირიკაშვილს ამბასადორიალის მონაწილეებს წარუდგენს. ამის შესახებ ირაკლი ღარიბაშვილმა საგარეო საქმეთა მინისტრად გიორგი კვირიკაშვილის და ეკონომიკისა და მდგრადი განვითარების მინისტრად დიმიტრი ქუმსიშვილის წარდგენისას განაცხადა.
"ხვალ დილით იწყება ამბასადორიალი და მე ჩვენს ელჩებს წარვუდგენ ახალ მინისტრს, ვიცე-პრემიერ ბატონ გიორგი კვირიკაშვილს", - პრემიერმა. მისივე თქმით, საქართველოს ევროპული არჩევანი გაძლიერდება და გაგრძელდება.
"ჩვენ გვაქვს გამოკვეთილი ევროპული არჩევანი და ჩვენი ეს გზა, ეს მიმართულება რა თქმა უნდა, გაძლიერდება და გაგრძელდება. ეს არის ჩვენი, ქართველი ხალხის არჩევანი. ჩვენ ამ მიმართულებით ვართ უკვე ლიდერი რეგიონში და გვაქვს ძალიან სერიოზული შედეგები, რასაც დღეს სტაბილური განვითარება სჭირდება", -აღნიშნა ღარიბაშვილმა.
ამბასადორიალი თბილისში 2-4 სექტემბერს გაიმართება.
