რუსეთმა სამხრეთ ოსეთის ტერიტორიაზე ადმინისტრაციული საზღვრის გადმოწევით კიდევ ერთხელ დაარღვია საერთაშორისო ვალდებულება, რომელიც ქვეყანამ აიღო, - ამის შესახებ ნატო-ს გენერალურმა მდივნმა იენს სტოლტენბერგმა პრეზიდენტის ადმინისტრაციაში, გიორგი მარგევლაშვილთან შეხვედრის შემდეგ გამართულ პრესკონფერენციაზე განაცხადა.
მისი თქმით, ნატო მხარს უჭერს საქართველოს ტერიტორიულ მთლიანობას საერთაშორისოდ აღიარებული საზღვრების ფარგლებში.
,,რუსეთის ბოლო ქმედებები, კერძოდ, როდესაც მათ გადმოწიეს ადმინისტრაციული საზღვრები საქართველოს სამხრეთ ოსეთის რეგიონში, ეს არის კიდევ ერთი დარღვევა რუსეთის მხრიდან საერთაშოირსო ვალდებულებისა, რომელიც აიღო რუსეთმა. ალიანსის წევრები მუდმივად და კიდევ ერთხელ ხაზს უსვამენ საქართველოს ტერიტორიულ მთლიანობას და ტერიტორიულ მხარდაჭერს საერთაშოირსოდ აღიარებული საზღვრების ფარგლებში“, - განაცხადა სტოლტენბერგმა.
შეგახსენებთ, რუსეთის საოკუპაციო ძალებმა 10 ივლისს, საოკუპაციო ხაზის გასწვრივ, გორის მუნიციპალიტეტის სოფელ წითელუბანსა და ოკუპირებული ახალგორის სოფელ ორჭოსანში ე.წ. სახელმწიფო საზღვრის აღმნიშვნელი ბანერები აღმართეს.
