საქართველო გახლავთ მტკიცე და სანდო წვლილის შემტანი ჩვენი უსაფრთხოების საკითხში, - ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა მთავრობის ადმინიატრაციაში გამართული ბრიფინგისას განაცხადა.
მისი თქმით, ყველა ის ვალდებულება, რომელიც საქართველომ და ნატო-მ ერთად აიღო, ჯეროვნად მიიწევს წინ.
„ჩემთვის დიდი პატივია საქართველოში ჩამოსვლა, ეს არის პირველი ჩემი ვიზიტი საქართველოში ნატო-ს გენერალური მდივნის რანგში და გამოხატვა ჩემი მტკიცე მხარდაჭერისა და სოლიდარობის, რომელსაც ჩვენ საქართველოს მიმართ გამოვთქვამთ. საქართველო გახლავთ მტკიცე და სანდო წვლილის შემტანი ჩვენი უსაფრთხოების საკითხში. ჩვენი ჯარები გვერდიგვერდ იმყოფებიან მრავალი წლის განმავლობაში. საქართველო გახლავთ მეორე, ყველაზე დიდი წვლილის შემტანი ავღანეთის მისიაში და ეს დაკავშირებულია მსხვერპლთან, რომელიც მრავალმა ქართველმა სამხედრო მოსამსახურემ და მათმა ოჯახებმა გაიღეს. ჩვენ პატივს მივაგებთ მათ ხსოვნას და მადლიერებას გამოვთქვამთ მათ მიმართ.
ჩვენ დღეს დამატებით ვაორმაგებთ ჩვენს თანამშრომლობას, გაერთიანებული წრთვნისა და შეფასების ცენტრის გახსნა იქნება ძალიან მნიშვნელოვანი ნაბიჯი, რომელიც დამატებით გააღრმავებს ჩვენს მჭიდრო თანამშრომლობას, საქართველოს შეიარაღებული ძალების ბრძლოსიუნარიანობას აამაღლებს და უფრო თანამედროვეს გახდის მას. ასევე, გააძლიერებს ნატო-ს და პარტნიორ ქვეყნებს შორის თანამშრომლობას, რათა ერთად შევიტანოთ წვლილი საერთაშრისო უსაფრთხოებისა და მშვიდობის საქმეში.
ამგვარად, არსებით პაკეტს, რომელზეც გადაწყვეტილება მიღებულ იქნა გასულ წელს, უკვე ხელშესახები შედეგები მოაქვს. ჩვენ ჩავატარეთ პირველი გაერთიანებული წრთვნები ნატო-ს წევრებსა და პარტნიორ ქვეყნებს შორის, ნატო-ს მოკავშირე ქვეყნები თავდაცვის მინისტრების დონეზე ძალიან აქტიურად მუშაობენ თქვენი ქვეყნის თავდაცვის სფეროში მიმდინარე რეფორმების დასახმარებლად. ჩვენ ვხედავთ უფრო მეტად საქართველოს ნატო-ში და ნატო-ს საქართველოში. ყველა ის ვალდებულება, რომელიც ერთად ავიღეთ, დროულია და ჯეროვნად მიიწევს წინ“,- განაცხადა იენს სტონტელბერგმა.
ნატო-ს გენმდივანი საქართველოს დღეს დატოვებს.
