„ერთიანი ნაციონალური მოძრაობის“ დეპუტატი ნუგზარ წიკლაური, ბათუმში, "ალი და ნინოს" სკულპტურის დამსხვრევას გამოეხმაურა და აღნიშნა, რომ ხელისუფლება ებრძვის ყველაფერს, რაც საქართველოს წინსვლასა და განვითარებას უკავშირდება.
„მაშინ, როდესაც მთელი ბათუმი დატბორილია და ათასობით ადამიანი უშედეგოდ ითხოვს ადგილობრივი ხელისუფლებისგან დახმარებას, ხელისუფლებაში მყოფმა ველურებმა მოახერხეს განახლებული ბათუმის უმშვენიერესი სიმბოლო - „ალი და ნინოს“ სკულპტურა დაემსხვრიათ. ერთი ადამიანის სულიერი სიმდაბლისა და პირადი ბოღმის გამო, ხელისუფლება ებრძვის ყველაფერს, რაც საქართველოს წინსვლასა და განვითარებას უკავშირდება. ებრძვის ახალციხის რაბათს, ბათუმის ტექნოლოგიურ უნივერსიტეტს კიდევ მრავალ შენობა-ნაგებობას.
ამ ხელისუფლების კულტურული სახე არის „ერმაკოვის ბუტკები“ და ჩაზნექილი სკამები, არანაირი კულტურული სიახლე ქართულ საზოგადოებას არ შეუძლიათ შესთავაზონ.
იმისთვის კი, რომ „ალი და ნინოს“ სკულპტურა დაემსხვრიათ, უკანონოდ, საკრებულოს გადაწყვეტილების გარეშე, საქართველოს გადასახადების გადამხდელებმა 250 000 ლარი გადავიხადეთ“, - განაცხადა ნუგზარ წიკლაურმა.
