ჯოზეფ ბაიდენი საარჩევნო კამპანიაში შესაძლოა ოქტომბრიდან ჩაერთოს. ამის შესახებ ტელეკომპანია CNN იტყობინება. გავრცელებული ინფორმაციით, აშშ ვიცეპრეზიდენტი გავლენიან დემოკრატ სენატორებს უკვე შეხვდა და მათთან ერთად მომავალი კამპანიის საკითხები განიხილა. ცნობილი ხდება ისიც, რომ 72 წლის პოლიტიკოსს წარმატება პირადად პრეზიდენტმა ობამამ უსურვა. საპრეზიდენტო არჩევნები აშშ-ში მომავალი წლის ნოემბერში გაიმართება.
