საქართველოს საგარეო საქმეთა მინისტრის მოადგილე გიგი გიგიაძე, ბერლინის ევროპული აკადემიის დირექტორს, დოქტორ ეკარტ შტრატენშულტეს შეხვდა.
გიგი გიგიაძემ გერმანელ სტუმარს მიაწოდა ამომწურავი ინფორმაცია საქართველოს ევროპული და ევროატლანტიკური ინტეგრაციის პროცესის, ამ მიმართულებით გადადგმული ნაბიჯებისა და არსებული მოლოდინების შესახებ. ყურადღება ასევე დაეთმო ოკუპირებულ ტერიტორიებზე შექმნილ რთულ ვითარებას და რუსეთის მიერ ბოლო პერიოდში განხორციელებულ პროვოკაციულ ქმედებებს, მეზობელ ქვეყნებთან ურთიერთობების ასპექტებს და რეგიონში არსებულ სიტუაციას.
