პრემიერ-მინისტრი ირაკლი ღარიბაშვილი აშშ-ში ორი დელეგაციის ვიზიტის შესახებ გამოთქმულ მოსაზრებებს აბსურდულს და შეურაცხმყოფელს უწოდებს. როგორც მან დღეს ჟურნალისტებთან განაცხადა, ნებისმიერ ადგილას საქმის გასაკეთებლად მიდის.
,,გაეროში, ნიუ-იორკში და ნებისმიერ ადგილას სადაც მივდივარ, მივდივარ საქმის გასაკეთებლად. მე საქმეს ვაკეთებ. მე იქ ქალაქის სანახავად არ მივდივარ. პრემიერობამდე ხშირად მიმოგზაურია ნიუ იორკში და ეს არ არის ჩემთვის რაღაც განსაკუთრებული ვიზიტი, მაგრამ როდესაც სჭირდება სახელმწიფოს და ჩვენს ქვეყანას, მე რა თქმა უნდა, ყველგან წავალ და საქმეს გავაკეთებ. თუ ვინმეს აქვს სურვილი, რომ წავიდეს ნიუ-იორკში, ან სხვა ქვეყანაში, სხვა ქალაქში ეს მისი პასუხისმგებლობა და გადაწყვეტილება იქნება. ჩვენ საქმეს ვაკეთებთ. ასე რომ, მე სხვა სპეკულაციებზე არ მსურს კომენტარი გავაკეთო“, - განაცხადა პრემიერმა.
