რუსეთ-საქართველოს ომის დროს დაზარალებულ ბავშვებს ლიტვა 100 ათასი ევროთი დაეხმარება.
აღნიშნულთან დაკავშირებით ვილნიუსში გუშინ უპრეცენდენტო, 4 საათიანი ტელემარათონი გაიმართა, რომელშიც ცნობილი ლიტველი მომღერლები, მსახიობები, მეცნიერები და სხვადასხვა პროფესიის ადამიანები მონაწილეობდნენ.
ტელემარათონისას სულ 271 ათასი ზარი შევიდა. თანხა ამჟამად ხაშურის რაიონში მცხოვრებ 52 დევნილ ბავშვს მოხმარდება, რომელთაც ჯანმრთელობასთან დაკავშირებული პრობლემები აქვთ.
ევროპარლამენტის წევრის ვიტაუტას ლანცბერგისის განცხადებით, "ლიტველებს უყვარს საქართველო და ცდილობს დაეხმაროს მას რითიც შეუძლია".
"მართალია, ეს ზოგიერთ სახელმწიფოს არ მოსწონს, მაგრამ ეს ასეა", - განაცხადა ევროპარლამენტის დეპუტატმა.