დღეს, ქუთაისში ქალაქობის დღესასწაული, "ორმაისობა" აღნიშნება.
დღესასწაულთან დაკავშირებით, ქუთაისში დღეისთვის 3000-მდე სტუმარს ელოდებიან, მათ შორის უცხოური დელეგაციის წარმომადგენლებს, რომელთაც დიპლომატიურ კორპუსი წარმოადგენს.
დაგეგმილია გამოფენები, კონცერტები და თეატრალური სანახაობები.
ასევე, ქუთაისში, 1-ლი საჯარო სკოლის წინ ექვთიმე თაყაიშვილის ძეგლის გახსნაც იგეგმება. როგორც ცნობილია, ექვთიმე თაყაიშვილი ამ სკოლაში სწავლობდა.
"ორმაისობა" ცენტრალურ მოედანზე ნინო ქათამაძის კონცერტით დასრულდება.
შეგახსენებთ, რომ ქალაქობის დღესასწაული ტრადიციულია და მე-19 საუკუნიდან იღებს სათავეს.
