2015 წლის 10 აგვისტოს საქართველოს საგარეო საქმეთა მინისტრის პირველი მოადგილე დავით დონდუა შეხვდა საქართველოში აშშ-ის საქმეთა დროებით რწმუნებულს ნიკოლას ბერლინერს.
შეხვედრაზე, მხარეებმა განიხილეს ორმხრივი ურთიერთობების აქტუალური საკითხები, მათ შორის დაგეგმილი ვიზიტები, ასევე მრავალმხრივი თანამშრომლობის თემები. საუბარი ასევე შეეხო ჟენევის მოლაპარაკებების ბოლო რაუნდის შედეგებსა და საქართველოს ოკუპირებულ რეგიონებში არსებულ მდგომარეობას.
აშშ-ის საქმეთა დროებითმა რწმუნებულმა ხაზი გაუსვა აშშ-ის ურყევ მხარდაჭერას საქართველოს სუვერენიტეტისა და ტერიტორიული მთლიანობის, ევროპული და ევროატლანტიკური ინტეგრაციისა და დემოკრატიული კონსოლიდაციის მიმართ.
