საქართველოს ელჩი ესპანეთის სამეფოში ზურაბ პოლოლიკაშვილი ესპანეთის საფეხბურთო ნაკრების მთავარ მწვრთნელს ვისენტე დელ ბოსკეს შეხვდა.
საგარეო უწყების ცნობით, საქართველოს ელჩმა ზურაბ პოლოლიკაშვილმა და „ფურია როხას“ დამრიგებელმა თბილისში, 11 აგვისტოს დაგეგმილ უეფას სუპერთასის მატჩზე ისაუბრეს და დელ ბოსკეს მატჩზე დასაწრებად მისი თბილისში დაგეგმილი ვიზიტი განიხილეს.
შეგახსენებთ, რომ უეფას სუპერთასის მატჩი ჩემპიონთა ლიგის გამარჯვებულ "ბარსელონასა" და ევროპის ლიგის თასის მფლობელ "სევილიას" შორის 11 აგვისტოს, "დინამო არენაზე", თბილისის დროით 22:45 საათზე გაიმართება.
