თბილისის ვიცე-მერმა დიმიტრი ქუმსიშვილმა საკადრო ცვლილებასთან დაკავშირებით კომეტარი გააკეთა. როგორც, მან „2030“-ის ეთერში განაცხადა, გადაადგილებაში ის ცუდს ვერაფერს ხედავს. შეგახსენებთ, ეკონომიკური პოლიტიკის საქალაქო სამსახურის უფროსმა ირაკლი ბერიკაშვილმა დღეს თანამდებობა დატოვა.
„თბილისის მერია არის საკმაოდ დიდი დაწესებულება. სისტემაში ჯამურად არაერთი ათასი თანამშრომელი მუშაობს. აქედან გამომდინარე ცვლილებების გატარება ნორმალურია, აქ არაფერი ცუდი არ არის, ეს ბუნებრივი პროცესიც მგონია“, - განაცხადა ვიცე-მერმა.
გარდა ამისა, დიმიტრი ქუმსიშვილმა აღნიშნა, რომ ირაკლი ბერიკაშვილი მეწარმეობის განვითარების ხელშეწყობის ცენტრში ხელმძღვანელის მოადგილედ დაინიშნა.
„ამჟამად ბატონი ირაკლი ბერიკაშვილი გადავიდა მეწარმეობის განვითარების ხელშეწყობის ცენტრში ხელმძღვანელის მოადგილედ. ჩვენ გვყავს მისი მოვალეობის შემსრულებელი და უახლოესს მომავალში ჩვენ წარმოვადგენთ კანდიდატურას, რომელიც დაიკავებს ამ თანამდებობას“, - ანიშნა ვიცე-მერმა.
