დღეს კანონმდებლები ეროვნული ბანკის 2014 წლის ანგარიშს მოისმენენ. დეპუტატები სასესიო ფორმატში შინაგან საქმეთა სამინისტროს რეფორმირების საკითხზეც იმსჯელებენ. დღის წესრიგშია ასევე განათლების კანონში შესატან ცვლილებათა პაკეტის განხილვა. დეპუტატები მიმდინარე კვირას ეროვნული ბანკიდან ზედამხედველობის სამსახურის გამოყოფის საკითხსაც განიხილავენ. კანონპროექტის მიხედვით, ის დამოუკიდებელ სააგენტოდ ჩამოყალიბდება, რომელსაც პარლამენტის მიერ არჩეული 7 წევრი უხელმძღვანელებს.
