ლეიბორისტული პარტიის ლიდერმა შალვა ნათელაშვილმა ბიძინა ივანიშვილის მიმართ მორიგი პრეტენზია გამოთქვა. როგორც ნათელაშვილმა „არჩევანში“ განაცხადა, „დიდი ტრაგედიის შემდეგაც ივანიშვილი 4 დღე დაიმალა და ნეტავ არ გამოჩენილიყო“. ლეიბორისტის კრიტიკა ივანიშვილის განცხადებამ თბილისში მომხდარ სტიქიასთან დაკავშირებით გამოიწვია.
„დიდი ტრაგედიის შემდეგაც 3–4 დღე კაცი [ბიძინა ივანიშვილი] იმალებოდა და დუმდა. გამოჩნდა და ნეტავ არ გამოჩენილიყო: როგორც კი ამოიღო ხმა, იმ წუთში დავინახეთ თუ რა ავაზაკთან გვაქვს საქმე. კაცი აცხადებს, რომ ზოგი ჭირი მარგებელიაო. თურმე მარგებელი იყო ის ჭირი, რომელმაც ივლიტა ჯიბუტი შეეწირა, რომელმაც ორი ანგელოზოვით და, ზარანდიები, შეეწირა; ქალაქის შუაგულში სუხიშვილი დაგლიჯა ვეფხვმა. იქვე ამატებს ეს ბატონი, თუ საჭირო გახდებაო, გავიღებ რაღაცასო. თითქოს სადმე უცხო ქვეყანაში იყო სტუმრად და მას არ ეხებოდა, რაც აქ ხდებოდა. სამაგიეროდ საფრანგეთის ბიუჯეტს უხდის ასეულობით მილიონს სიმდიდრის გადასახადს როგორც საფრანგეთის მოქალაქე. მაშინ წაბრძანდეს და საფრანგეთში დანიშნოს პრემიერ–მინისტრები, მინისტრები, დეპუტატები...“, – განაცხადა ნათელაშვილმა.
